Bilbao International Logo

16/12/2015

Partekatu:

  • Facebook
  • Twitter
  • Delicious
  • Google Bookmarks
  • Yahoo Bookmarks
  • Menéame
  • E-mail

Gaur egungo pop elektronikorik onena iritsiko da Bilbora Years & Years taldearekin

Europa osoan ezaguna den eta pop elektronikoa jotzen duen Years & Years taldea Bilbao BBK Live jaialdiaren hamaikagarren edizioan egongo da uztailaren 7an, 8an eta 9an. Elektronika, soul, R&B eta pop doinuen nahasketa zaindua eta Olly Alexander abeslariaren ahots berezia izan dira arrakasta lortzeko bidaia-txartela; gainera, horri esker, Europako jaialdirik garrantzitsuenetan ezinbestekoak izatera iritsi dira. Years & Years taldeak bost EP kaleratu ditu, pilo bat kontzertu egin ditu eta Europan bira bat garatu du Sam Smith gisako gonbidatuekin.

Debuta ekaina amaieran iritsi zen, eta prestigio handiko BBC Sound of The Year Poll 2015 irabazi zuten. Sari horrek urtero Erresuma Batuan proiekzio handiena duen artista nabarmentzen du. Aldi berean, une honetan, askok uste dute Olly Alexander etorkizun handiko aktore britaniarretako bat dela, eta ospea lortu du Skins eta Penny Dreadful lanengatik eta Belle & Sebastian taldeko abeslariak iaz zuzendutako God Help the Girl filmagatik.

Years & Years taldea Bilbao BBK Live jaialdira iritsiko da, bira ingeleseko sarrera guztiak agortu ondoren eta Europa osoan disko gehien saldu dituztenen artean dagoelarik, batik bat, Communion LPko (2015) King singleari esker.

Bonuen eskaintza

Jaialdiak ondoz ondoko bigarren `sold out´ delakoa egitea lortu zuen aurreko edizioan, eta, une honetan 110 euroko bonu eskaintza bat du (gehi sei euro gastuengatik). Kanpina duen bonuak 120 euroko prezioa du, gehi sei euro gastuengatik.

BILBAO BBK LIVE 2016 – EGIAZTATUTAKO ARTISTAK:

PIXIES, NEW ORDER, M83, HOT CHIP, YEARS & YEARS, JOSÉ GONZÁLEZ, FATHER JOHN MISTY, COURTNEY BARNETT, WAS

+ info: bilbaobbklive.com