Bilbao International Logo

BILBAO URBAN EVOLUTION

Industria hiria izatetik, zerbitzu eta kultura hiria izatera.

Gaur egun, Bilbo, hiri-birmoldaketaren adibiderik onenetarikoa da. Hiribilduaren hiri-garapena ezagutu modu ikusgarri eta intuitiboan, hirian egindako lanik garrantzitsuenetatik ibilbide historikoa eginez.

Sartu

Bidean

Hiribilduaren eraldaketa ez da hasiera eta bukaera duen prozesua, denboran jarraitzen duen zerbait baizik.

Bilbo urbanismo eta arkitektura arloetan punta-puntako hiri bezala egonkortuko duten proiektuak ezagutu, etorkizuneko lorpenak.

Sartu

Lan berriak

Azkenaldian, Bilbo urbanismo eta arkitektura estreinaldi handiak dituen hiria da.

Atal honetan, xehetasun osoz erakusten ditugu bukatutako lan berriak, Bilbo Berriaren parte direnak.

Sartu

Eraikin historikoak

Bilbok bere historia gordetzeko guztia eman du.

Eraikin historikorik gehienak birmoldatu eta gorde egin izana ezinbestekoa da arkitektura berria aspaldiko artisten arkitekturarekin uztartzeko.

Sartu

IZARDUN ARKITEKTOAK

Nazioarteko arkitekto ospetsuek hiri xarmagarri honetan arte-lan modernoak utzi dituzten heinean (haietako askok Pritzker saria jaso dute, hots, Arkitektura arloko osperik handieneko saira), beste batzuek zenbait eraikin berri dituzte haien sinadura utziz.

Sartu

23/09/2014

Partekatu:

  • Facebook
  • Twitter
  • Delicious
  • Google Bookmarks
  • Yahoo Bookmarks
  • Menéame
  • E-mail

Más de 300 arquitectos y urbanistas de renombre se reúnen en Bilbao a partir de mañana en el BIA Urban Regeneration Forum

Bizkaiko lurralde historikoan arkitektura eta hirigintza dinamizatzea xede duen BIA (Bilbao Bizkaia Architecture) plataformak 300 arkitekto, hirigile eta ingeniari baino gehiago bilduko ditu bihartik aurrera ‘Hiri bizirantz’ lemapean, hiri berrien erronkei buruz eztabaida egin dezaten. Nazioarteko adituen artean, lehen BIA Regeneration Forum honetan, Carlos Ferrater-ek (Iberdrola dorrearen azpiko etxebizitza-bloke baten eta IMQ Zorrotzaurre eraikinaren egilea); Adriaan Geuzek (Madrilgo Manzanares ibai bazterreko pasealekuaren birmoldaketa gauzatu duen West 8 taldeko kidea) eta Umberto Napolitanok (Champs Elysees-eko Grand Palais eraberritzeaz arduratu zen LAN Architecture taldekoa) parte hartuko dute. Topaketa Mexikori eskainitako jardunaldi batez hasi eta Norman Fosterri lehen BIA Saria emateko ekitaldiaz amaituko da ostiralean, hilak 26.

Bihar, asteazkenez, Iberdrola Dorrea Biltzarra irekitzeko ekitaldiaren eszenatoki bilakatuko da. Horrela, 16:30etatik aurrera, Mexikori zuzendutako topaketa bat egingo da, arkitektoen elkarteen ordezkariak, enpresak eta Mexikoko Administrazioa tarteko diotuen ordezkaritza zabal baten parte-hartzeaz. Bertan izango dira, besteak beste, Felipe Leal, Garcia Marquez Estudioa, Rossi Etxea eta Puma Denda bezalako proiektuen egilea, eta Fernanda Canales, Mexikoko Errepublikako Arkitektoen Elkargoen Federazioak ematen duen ibilbide onenarentzako saria eta Arkitekto Gazteentzako CAM SAM saria irabazi dituena. Profesional hauen presentziak arkitektura mexikarraren errealitatea bistaratzen eta garapen bidean dagoen herrialde harekiko lotura kultural eta enpresarial berriak zabaltzen lagunduko du. Mexiko eta Euskadiren arteko mahainguruan, SENERen Bilboko Dibisioko zuzendari Itziar Urrutia arkitektoak eta Bilbao Metropoli 30eko zuzendari nagusi Alfonso Martinez Cearra industria ingeniariak parte hartuko dute, bi herrialdeen errealitatea amankomunean jartzeko asmoz

Ostegunean, Euskalduna Jauregian, foroko lehen saioa egingo da, ‘Hiria: bigarren natura’ izenburupean. Ekitaldi honetan, Bilboko arkitektura-paisaia eraikian berezko lorratza utzi duen Carlos Ferrater-en (Bartzelona, 1944) presentzia nabarmendu behar da. Arkitekto kataluniarrak hiriaren erdialdean gauzatu dituen bi eskuhartzeak –Iberdrola Eraikinaren ondoko Bilbao Design etxebizitza-blokea eta IMQ Zorrotzaurre eraikina– kokatuta dauden hiri-eremuetako ikur bilakatu dira, eta hiriaren aurrealdea taxutzen dute itsasadarrean zehar, hauxe baita Bilboren kanpoko irudiari eusten dioten osagai garrantzitsuenetako bat. OAB izeneko bere arkitektura-estudioarekin batera, Tanger-eko (Maroko) itsas-pasealekuaren diseinuan dihardu gaur egun.
Haren ondoan izango dira Jose Angel Medina Murua, Nafarroako Unibertsitateko Arkitektura Eskolako zuzendaria; Ana Sanchez-Ostiz, zentro bereko Arkitektura Eskolako Eraikuntza, Instalazio eta Egituren Saileko zuzendaria; Tatiana Bilbao, Parisen Arkitektura Jasangarriaren Global Sarietako bat jaso berri duen arkitekto mexikarra; Adriaan Geuze arkitekto holandarra, West 8 estudioaz Amsterdameko zenbait egoitza-auzo proiektatu dituena; Umberto Napolitano, LAN estudiokoa, Champs-Elysees-eko Grand Palais eraberritzeko lanen arduraduna; Lauren Etxepare eta Rufino Hernandez, Donostiako Arkitektura Goi Eskola Teknikokoko Proiektuen Saileko Zuzendaria eta Eraikuntzako irakaslea, hurrenez hurrez, eta Joseba Juaristi, Euskal Herriko Unibertsitateko (EHU/UPV) Giza Geografiako katedraduna.

Ostiralean, hilak 26, jardunaldiak proposamen berriak bilatuko ditu boom inmobiliarioaren ondorio politikoen aurrean. ‘Hiri alternatiboa’ izenburuko saio honetan, Bartzelonako Unibertsitate Autonomoan Politika-Zientzietako irakasle dabilen Joan Subirats Ekonomia-Zientzietako doktorearen parte-hartzea nabarmendu behar da. IGOP Gobernu eta Politika Publikoetako Unibertsitate-Institutua zuzendu ondoren, Zientzia eta Berrikuntza Ministerioak hiri-politiken gainean finantzatu dituen proiekturik garrantzitsuenetako bi zuzendu ditu: ‘Hiri politikak 2015eko eszenatokian: udal demokraziak 30 urte egin ondoren’ eta ‘Hiri-politika berriak esploratzen’.

Honekin batera azalduko dira Juan Jose Arrizabalaga, Arkitekturako doktorea eta Donostiako Arkitektura Goi Eskola Teknikoko Zuzendaria; Miguel Robles-Duran, hirigilea eta New Yorkeko New School Parsons-eko Hiri-Ekologien Programako zuzendaria; Miguel Jaenicke Fontao, SIC Estudiokoa eta VIC Herritar Ekimenen Haztegia delako plataformaren bultzatzaileetako bat; Carmen Espegel, Madrilgo Unibertsitate Politeknikoko Arkitektura Goi Eskola Teknikoko Proiektuetako irakasle titularra; Jon Joseba Leonardo, Deustuko Unibertsitateko Hiri-Soziologiako katedraduna; Igor Calzada, Oxford-eko Unibertsitateko Programme for Future Cities deritzoneko soziologo ikertzailea, eta Mercè Cortina i Oriol, Euskal Herriko Unibertsitateko (EHU/UPV) Soziologia Saileko irakaslea.

Hitzaldiak eta txostenak larunbatean amaituko dira, hilak 27, AV/Arquitectura Viva aldizkariko zuzendari eta San Fernando Arte Ederren Errege Akademiako kide osoa den Luis Fernandez Galiano arkitekto eta Madrilgo Unibertsitate Politeknikoko Arkitektura Eskolako Proiektuetako katedradunak eskainiko duen hitzaldi ireki batez.

I BIA SARIA NORMAN FOSTERRI EMATEKO EKITALDIA

Sir Norman Foster

Hilaren 26ko jardunaldia amaitzeko, lehen Urban Regeneration Forum honetako unerik gogoangarriena iritsiko da: Norman Fosterri lehen BIA Saria emateko Guggenheim Museoan egingo den ekitaldia. Saritutakoa nazioarteko arkitekto garaikiderik ospetsuenetakoa da. Fosterren (Manchester, 1935) lanak era askotako sariak lortu ditu, hala nola, 1990eko Mies van der Rohe Arkitektura Garaikideko Saria, American Institute of Architects (AIA) delakoaren 1994ko urrezko domina, 1999ko Pritzker Saria eta 2009ko Arteen Asturiasko Printzea Saria. Manchesterreko Unibertsitatean arkitektura ikasketak hasi eta Yaleko Unibertsitateak osatu zituen. Ingalaterrara itzulita, Team 4 arkitektura-estudioa sortu zuen 1964an. Hiru urte beranduago, 1967an, Foster Associates eratu zuen, non Richard Buckminster Fuller arkitektoarekin kolaboratzen zuen. Arkitektura-estudioa gaur egun Foster + Partners izenarekin ezagutzen da.

Euskadin, Metro Bilbaoko geltokien diseinu bitxiagatik ezagutzen den arren, Estatu espainiarrean ere Fosterren lanak ikus daitezke, hala nola, Madrilgo Bankia Dorrea, Valentziako Kongresu Jauregia eta Gaztela eta Leongo Portia Upategiak. Nazioartean, hauexek dira Fosterren lanik ezagunenetako batzuk: Londresen, Britainiar Museoaren eta Wembley Estadioaren eraberritzeak, Standsted-eko aireportuko terminal berria, Milurtekoaren Zubia, “Gherkin”a eta Udaletxea; Alemanian, Berlingo Reichstagen eraikinaren eraberritzea eta Frankfurteko Commerzbank Dorrea; eta EEBBetan, New York-eko Hearst Dorrea, Omaha-ko (Nebraska) Joslyn Museoaren handitzea eta Bostoneko Arte Plastikoen Museoa. Horiez gain, Hong Kongeko Hongkong Bank eraikina eta Beijineko Nazioarteko Aireportua gisako eraikin apartak diseinatu ditu.